Myday pop-up store Янги йил ярмаркаси. I қисм.

24 декабр куни  myday pop-up store Янги йил ярмаркаси очилди. Яқинлашиб келаётган янги йил ҳаяжони, тематик совғалар, 10 дизайнер, 8 бренд, 18 савдо нуқтаси, махсус нархлар, сеҳрли муҳит ва байрам кайфияти. Юртимизнинг энг ёрқин арча байрамининг илк куни қай тарзда кечди, бу ҳақда бугунги шарҳимиздан билиб оласиз.

Myday pop-up store Янги йил ярмаркаси — Янги йил байрами муносабати билан myday.uz жамоаси ҳамда 10та маҳаллий дизайнер ва 8та бренд ҳамкорлигида ташкил этилган ноёб лойиҳа. Фақатгина ушбу ярмаркада ташриф буюрганлар дизайнерлик буюмларни махсус нархларда харид қилишлари, турли хил совға ва сувенирлар танлаб олишлари, шунингдек  байрам кайфиятидан баҳраманд бўлишлари мумкин.

Бу сафар myday pop up store Янги йил ярмаркаси ижодий майдони Ўзбекистон Бадиий Академияси Марказий кўргазмалар залида ташкил этилди.

Янги йил сингллари остида янги йил ярмаркаси меҳмонлари афсонавий ва рангбаранг зал бўйлаб сайр илиш, иссиққина ичимликлардан баҳраманд бўлиш, оила аъзолари ва яқинлари учун совғалар харид қилиш ва шунчаки эстетик завқ олиш имконига эга бўлдилар. Ярмарканинг илк кунида ташриф буюрганлар 18та савдо нуқталарида кундалик ва оқшом либослари, декор буюмлари, аксессуарлар, косметик воситалар, заргарлик буюмлари, ширинликлар, болалар ва арча ўйинчоқлари харид қилиш имконига эга бўлдилар:

Bellstore корнери Organic Shop, Natura Siberica, Delia, Planeta organica каби фирмаларнинг махсус косметик сетларини тақдим этдилар.

Forever Young корнери қулай свитшотлар, тематик топлар, қалпоқлар, қўлқоплар, декоратив арчалар, янги йил паннолари, аксессуарлар, ёстиқлар ва арча ўйинчоқлари тақдим этди.

Mursak бурчаги миллий либослар линияси, ёрқин клатчлар, оқшом аксессуарлари ва арча ўйинчоқлари билан қатнашди.

Бирйўла икки дизайнер Elena Milberger ва NNAM бурчаги бутунбошли заргарлик буюмлари тўплами, кундалик ва оқшом либослари, ипак рўмоллар, янги пойабзаллар тўплами ва арча ўйинчоқлари тақдим этди.

Maison Agnes корнери тўқилган свитерлар, қалпоқлар, бўйинбоғлар, нафис бош тақинчоқлари, худилар, эскизлар учун альбомлар, клатчлар ва арча ўйинчоқларини таклиф этдилар.

Wonderland бурчаги Dolce&Gabbana, Gucci, Armani, Dsquared2, Monnalisa ва шу каби таниқли брендлардан болалар либослари, шунингдек аксессуарлар линияси билан қатнашмоқда.

Di Couture корнери бахмал ва чармдан дизайнерлик клатч-буклари, қизалоқлар учун қимматбаҳо тошлар билан безатилган эксклюзив либослар таклиф этди.

Holmuradov Design бурчаги кумушдан заргарлик буюмлари тақдим этди..

Creaté корнери ён дафтарчаларнинг янги тўпламини, адрас ва ёғочдан аксессуарлар, мато ва ёғочдан арча ўйинчоқлари, оригинал совға қутилари таклиф этди.

Candy Cotton янги йил тўпламидан болалар луклари, тўқилган бош кийимлар ва бўйинбоғлар, свитшотлар, топлар, декор буюмлари ва арча ўйинчоқлари билан қатнашди.

Moel Bosh корнери ёрқин миллий блейзерлар, кўйлаклар, топлар, аксессуарлар, пойабзаллар, сумкалар тўплами ва арча ўйинчоқлари тақдим этди.

TAIS&I бурчаги қулай бўйинбоғлар, бош кийимлари, қўлқоплар, шунингдек интерьер буюмлари таклиф этди.

Lapin корнери янги қулай кундалик костюмлар тўплами, аксессуарлар, ипак ёстиқчалар ва арча ўйинчоқлари тақдим этди.

Urban бурчаги Lego ўйинчоқлари ва Converse, New Ballance ва Toms каби жаҳон брендларидан спорт пойабзаллари таклиф этди.

Fiori корнери декоратив янги йил композициялари, рождество гулчамбарлари, шағамлар ва табиий арчалар тақдим этди..

Multi Mafe ресторан комплекси бурчаги Callebaut шоколад бренди маҳсулотлари, болалар учун Jelly Belly ва Papa Bubble брендларидан ширинликлар тўплами, шунингдек нон ва нон маҳулотлари таклиф этди.

Шунингдек Янги йил ярмаркасининг Generation MD бурчагида Tashkent Fashion Week 2016 да муваффақиятли қатнашган ёш дизайерлар ишлари ҳам намойиш этилди.

Асосий корнер Myday янги йилнинг бош атрибутлари: шағамлар сети, сопол арча ўйинчоқлари, янги йил дастурхони учун декор, занжабилли пряниклар, Patchi шоколадлари, ToyChok ёғоч ўйинчоқлари, Latutunya қўғирчоқлари ва совға сертификатлари  таклиф этди.

Ва албатта, қандай қилиб янги йил ярмаркаси кутилмаган совғаларсиз ўтиши мумкин? Энг ёрқин арча байрами учун махсус myday pop-up store Янги йил ярмаркасининг илк кунида хонанда Shadisha ўзининг Velvet мини альбоми тақдимотини ўтказди. Янги альбом ва Shadishaдан эксклюзив топларни фақатгина мазкур янги йил ярмаркасида харид қилиш имконига эгасиз.

Янги йил ярмаркаси меҳмонлари: